ESB® · Energetic Structural Balance
með André Dückers
Nálgun í líkamsvinnu þar sem athyglin beinist að tengslum, viðbrögðum og samspili ólíkra kerfa líkamans. Ein námsleið í fjórum stigum, ESB 1 til ESB 4, fyrir fagfólk sem vinnur með líkamann.
Skráning opnar síðar
02Hvað er ESB?
Energetic Structural Balance (ESB®) er nálgun í líkamsvinnu sem byggir á því að líta á líkamann sem samtengda og síbreytilega heild.
Í stað þess að beina athyglinni eingöngu að þeim stað þar sem spenna, hreyfiskerðing eða ójafnvægi kemur fram er horft á samspil ólíkra þátta og hvernig líkaminn bregst við og aðlagast.
Í ESB er meðal annars unnið með nákvæmri og oft mjög mjúkri snertingu. Meðferðaraðilinn fylgist með viðbrögðum líkamans og notar þau sem upplýsingar um hvernig vinnunni er haldið áfram.
Markmiðið er því ekki að þröngva líkamanum í fyrirfram ákveðna stöðu heldur að skapa aðstæður þar sem hægt er að fylgjast með og styðja þau viðbrögð sem koma fram.
ESB er sjálfstæð nálgun en getur jafnframt nýst sem viðbót við þá þekkingu og meðferðarvinnu sem meðferðaraðilinn hefur þegar.
03Hvernig varð ESB til?
ESB hefur þróast í gegnum áratuga starf André Dückers og reynslu hans af ólíkum nálgunum í líkamsvinnu og meðferð. Í viðtali við Ben Calder (BTPA) lýsir André því hvernig aðferðin varð til.
Þegar hann stakk nál og hélt henni tók hann eftir því að nálin bognaði oft, stundum alveg um 90°. Hann hugsaði með sér að nál væri bara stálbútur — kannski mætti gera það sama með fingrunum, með höndunum.
Hann lagði aðra höndina vinstra megin og hina hægra megin við hryggtindana, á Huatuo Jiaji-punktana, og gaf vægt áreiti. Þá fann hann að hendurnar hreyfðust sjálfkrafa — og áttaði sig á því að þetta væri ástæðan fyrir því að nálin bognaði: vefurinn hreyfðist.
Í fyrstu beindi hann athyglinni einkum að liðamótum og byrjaði á hnénu.
“That was the beginning of ESB.”
André segir frá því hvernig ESB varð til
04Meginsjónarmið
“Everything depends on connectivity.”
— André Dückers
André Dückers lýsir líkamanum innan ESB sem flóknu, sjálfskipuleggjandi kerfi samtengdra stjórnkerfa sem stöðugt mótar sig, aðlagast og skipuleggur sig. Að hans mati skiptir ein spurning mestu: er upplýsingaflæðið innan stjórnkerfisins heilt, eða hefur það raskast?
01
Connectivity
Breyting á einum stað þarf ekki að vera einangrað fyrirbæri. Athyglin beinist líka að því hvernig ólíkir hlutar og kerfi tengjast og hafa áhrif hver á annan.
André notar myndlíkingu af keðju smárra kúlna: ekki er hægt að hreyfa eina kúlu án þess að hinar hreyfist líka.
02
Processes
Liðamót, vöðvar, bandvefur og aðrir vefir mynda samverkandi heild. Í ESB er horft á breytingar í byggingu og hreyfingu í samhengi við viðbrögð líkamans í heild — ferli og skipulag frekar en einstaka hluta.
03
Responses
Fylgst er með því hvernig líkaminn bregst við snertingu og öðru áreiti meðan á vinnunni stendur. Þau viðbrögð verða hluti af þeim upplýsingum sem meðferðaraðilinn notar til að ákveða næstu skref.
04
Presence
Færni í líkamsvinnu felst ekki aðeins í þekkingu á anatómíu og handtökum. Hún felst einnig í athygli, skynjun og hæfileikanum til að taka eftir breytingum án þess að flýta sér að túlka þær eða stýra þeim.
“From things to processes.”
Frá einstökum hlutum yfir í ferli og tengsl.
— André Dückers
Anatómían kennir okkur að greina líkamann niður í bein, liðamót, vöðva, bandvef, taugar, líffæri og önnur kerfi. Sú þekking er grundvallaratriði. En líkaminn starfar ekki sem safn óháðra eininga.
ESB bætir við sjónarhorni þar sem athyglin beinist að samspili, viðbrögðum og aðlögun — því sem gerist á milli einstakra þátta og innan heildarinnar. Í lokaorðum texta síns orðar André það svo að áherslan færist frá efnislegum byggingum yfir í skipulag. Í viðtalinu við Ben Calder talar hann á sama hátt um að gott væri ef sjónarhornið breyttist frá því að horfa á hluti yfir í að horfa á þau ferli sem eiga sér stað í líkamanum.
Það skiptir ekki aðeins máli hvað hendurnar gera.
Í ESB er lögð áhersla á nærveru og athygli meðferðaraðilans. Fylgst er með breytingum, hreyfingu og öðrum viðbrögðum sem koma fram meðan á vinnunni stendur. Meðferðaraðilinn lærir að gefa sér tíma, skynja breytingar og laga næstu skref að þeim upplýsingum sem koma fram.
André hefur líkt þessu samspili við dans. Í góðum dansi er samspilið ekki einfaldlega þannig að annar stjórni öllum hreyfingum og hinn fylgi. Báðir bregðast við hvor öðrum og hreyfingin þróast í samspilinu.
Kyrrðin er hluti af færninni
Þegar André ræðir ESB 1 segir hann að ein helsta áskorunin felist hvorki í anatómíunni né nákvæmri staðsetningu handanna — heldur í því að finna kyrrð í eigin líkama og fylgjast þaðan með viðbrögðum þess sem unnið er með.
05Fyrir hverja?
ESB er ætlað fagfólki sem hefur þegar menntun og reynslu af líkams- eða handvirkri meðferð og vill bæta nýju sjónarhorni við þá vinnu sem það sinnir.
ESB snýst ekki um að leggja til hliðar það sem þú kannt fyrir. Markmiðið er að bæta við nýju sjónarhorni og nýrri færni.
Nánari forkröfur fyrir ESB 1 verða kynntar þegar þær liggja fyrir.
06Kennarinn
Þróunaraðili ESB®
Bakgrunnur
Í viðtalinu við Ben Calder segir André að hann hafi byrjað að þróa ESB í upphafi tíunda áratugarins. ESB hefur síðan þróast samhliða langri starfsreynslu André og áhuga hans á því hvernig ólík kerfi líkamans tengjast og hvernig líkaminn bregst við snertingu og áreiti.
Hver er André Dückers?
Viðtal: Bowen BTPA, spyrill Ben Calder
07Námsleiðin
ESB-námið er ein samfelld námsleið í fjórum stigum — ekki fjögur ótengd námskeið. Stigin eru tekin í réttri röð: ESB 1, þá ESB 2, þá ESB 3 og loks ESB 4. Hvert stig er forsenda þess næsta og ESB 4 er lokastig námsleiðarinnar.
Upphaf námsleiðarinnar
ESB 1
Grunnur aðferðarinnar
Grunnnálgun og matskerfi ESB®, hryggur og liðamót
11.–13. september 2027
laugardagur–mánudagur · 09:00–17:00 · Reykjavík
Nánar um ESB 1 →
Forsenda: ESB 1
ESB 2
Mjúkvefir og bio-tensegrity
Vöðvar, fascia, sinar og liðbönd, ör og samgróningar
17.–19. september 2027
föstudagur–sunnudagur · 09:00–17:00 · Reykjavík
Nánar um ESB 2 →
Forsenda: ESB 2
ESB 3
Position-dependent Mechanosensory Coding
Afferent input, líffæri og stoðkerfi
Fyrirhugað · 22.–24. janúar 2028
laugardagur–mánudagur · 09:00–17:00 · Reykjavík
Nánar um ESB 3 →
Forsenda: ESB 3
ESB 4
Hjartað, ICNS og Nervus Vagus
Pericardium, emotional stress, Energetic Heart
Fyrirhugað · 28.–30. janúar 2028
föstudagur–sunnudagur · 09:00–17:00 · Reykjavík
Nánar um ESB 4 →
Milli stiga gefst tími til að vinna með námsefnið í eigin starfi, öðlast reynslu og undirbúa næsta stig.
ESB 1 og ESB 2 eru staðfestar. ESB 3 og ESB 4 eru fyrirhugaðar vinnudagsetningar.
Skráning opnar síðar
Upphaf námsleiðarinnar · forsenda fyrir ESB 2
Ný nálgun á strúktúrvinnu og orkuvinnu. ESB 1 er þriggja daga verklegt námskeið undir leiðsögn André Dückers, þróunaraðila ESB®, þar sem kynnt eru grunnvinnubrögð og meginreglur Energetic Structural Balance (ESB®).
ESB 1 er fyrsta skrefið í fjögurra hluta námsleið: ESB 1 → ESB 2 → ESB 3 → ESB 4.
Í ESB 1 er fjallað um
ESB 1 hentar fagfólki sem starfar við
Forsenda: ESB 1 · forsenda fyrir ESB 3
ESB 2 er þriggja daga námskeið sem byggir á ESB 1 og kynnir vinnu með mjúkvefi líkamans á grunni bio-tensegrity-líkansins.
Vinnan heldur áfram þar sem ESB 1 lýkur.
Í ESB 2 er fjallað um
ESB 2 hentar meðal annars
ESB® Position-dependent Mechanosensory Coding
Forsenda: ESB 2 · forsenda fyrir ESB 4
André lýsir ESB 3 sem dýpkun og útvíkkun á aðferðum ESB 1. Í brennidepli er tiltölulega nýtt hugtak innan ESB: ESB® Position-dependent Mechanosensory Coding — að hans sögn „næsta stig“ (Next Level) fyrir alla sem vinna með ESB.
„Við sköpum stýrt mechanosensory input sem færir sensorimotor-stýrirásinni sem fyrir er upplýsingar — og út frá þeim getur líkaminn sjálfur skipulagt hreyfileiðréttingu (motor correction).“
Unnið er að því að auka gæði afferent input frá útlægum hlutum líkamans (periphery) með hægri, stýrðri compression, þar sem mikil áhersla er lögð á repositioning og end positions.
Stýrt mechanosensory input gefur sensorimotor-stýrirásinni upplýsingar sem líkaminn getur sjálfur nýtt til að skipuleggja hreyfileiðréttingu.
Áhersla er einnig lögð á að efla miðlæga úrvinnslu — að auka virkni í somatosensory cortex.
Unnið er að því að draga úr „suði“ í kerfinu, þ.e. þáttum sem dempa afferent boð. André nefnir að léleg boð stafi oft af verkjum, bólgu, þreytu og langvinnri streitu. Að hans sögn er afferent input ekki aðeins „styrkt“ með fleiri boðum, heldur með betra hlutfalli boða og suðs og betri túlkun.
Fjallað er um vöðva- og liðeinkenni sem André tengir skertri starfsemi líffæris. Samkvæmt kennslu hans tengjast líffæri og stoðkerfi (vöðvar og liðir) um mörg kerfi, og skert starfsemi líffæris getur birst sem vöðva- eða liðeinkenni, jafnvel þótt vandinn sé ekki í vöðvanum eða liðnum sjálfum. Þetta er eitthvað sem André segir að margir upplifi en fái sjaldan skýrt útskýrt.
Heimild: bréf André Dückers til Birgis („Brief aan Birgir“), þýtt úr hollensku.
Forsenda: ESB 3 · lokastig námsleiðarinnar
ESB 4 fjallar fyrst og fremst um hjartað og pericardium. André spyr sjálfur hvers vegna slíkt efni sé valið fyrir fólk sem vinnur með höndunum — og svarar að áherslan sé fyrst og fremst á vinnu með emotional stress (tilfinningalega streitu).
Skýrt tekið fram
André setur efnið í samhengi við þá vaxandi streitu og streitutengdu vanda sem fólk glímir við í hröðu samfélagi nútímans.
Megináhersla stigsins. Unnið er með hjartað og pericardium út frá sjónarhorni ESB — með áherslu á tilfinningalega streitu, ekki hjartasjúkdóma.
Í ESB 4 er fyrst og fremst fengist við „Energetic Heart“. André lýsir því að samkvæmt hefðbundinni kínverskri læknisfræði (TCM) tengist hjartað meðvitund okkar og því hvernig við upplifum fjórvíðan heim okkar: úr öllu skynáreiti allra skynfæra þurfi hjartað að móta veruleika okkar.
ICNS er stundum kallað „heilinn í hjartanu“ (heart brain). André ber starfsemi ICNS, frá anatómísku sjónarhorni, að stórum hluta saman við „Energetic Heart“ í TCM.
Fjallað er um primitive reflexes — hömlun þeirra á fyrsta æviárinu og þegar þeir koma fram að nýju hjá fullorðnum, til dæmis eftir heilablóðfall — og um tengsl sem André segist hafa fundið milli primitive reflexes, cranial nerves og ICNS.
Unnið er ítarlega með Nervus Vagus og tengda hluta hans, nuclei og ganglia, svo sem ganglion oticum, ganglion nodosum, nucleus ambiguus, nucleus tractus solitarius og dorsal motor nucleus of the vagus.
Heimild: bréf André Dückers til Birgis („Brief aan Birgir“), þýtt úr hollensku.
12Reynsla þátttakanda · viðtal
Ben Calder sótti ESB 1 hjá André og lýsir í viðtali þeirra hvernig námið hafði áhrif á það hvernig hann nálgaðist eigin vinnu.
Hann segist hafa tekið eftir breytingu á því hvernig hann tengist í meðferðum sínum eftir ESB 1. Þegar hann vinnur með þá dýpt sem André bað þátttakendur um að leita eftir, finnur hann fyrir losun og mýkt í sjálfum sér.
Í lok viðtalsins hvetur Ben fólk sem starfar við líkamsmeðferð til að kynna sér ESB.
“If you're in the bodywork field, go and check out ESB. It's definitely something that's worth exploring.”
Þetta er persónuleg reynsla eins þátttakanda, sögð í viðtali. Hún er ekki vísindaleg staðfesting á ESB.
Ben Calder
Ben segir frá reynslu sinni af ESB 1
13Iceland 2027–2028
André Dückers kennir námsleiðina í Reykjavík. ESB 1 og ESB 2 eru staðfest í september 2027. ESB 3 og ESB 4 eru fyrirhugaðar vinnudagsetningar í janúar 2028 og verð þeirra er ekki ákveðið.
Fyrir þá sem hefja námsleiðina
Sex námsdagar · Reykjavík
ESB 1 og ESB 2 í september 2027, tekin í réttri röð. Skráning í bæði stig er samanlagt verð beggja samkvæmt gildandi verðtímabili.
Upphaf námsleiðarinnar · forsenda fyrir ESB 2
11.–13. september 2027
laugardagur–mánudagur · 09:00–17:00 · Reykjavík
Snemmskráning 85.000 kr. · fullt verð 95.000 kr.
Snemmskráning til og með 1. maí 2027. Eftir 1. maí 2027 er fullt verð.
Forsenda: ESB 1 · forsenda fyrir ESB 3
17.–19. september 2027
föstudagur–sunnudagur · 09:00–17:00 · Reykjavík
Snemmskráning 85.000 kr. · fullt verð 95.000 kr.
Snemmskráning til og með 1. maí 2027. Eftir 1. maí 2027 er fullt verð.
Fyrirhugað · Forsenda: ESB 2 · forsenda fyrir ESB 4
22.–24. janúar 2028
laugardagur–mánudagur · 09:00–17:00 · Reykjavík
Verð staðfest síðar
Fyrirhugað · Forsenda: ESB 3 · lokastig námsleiðarinnar
28.–30. janúar 2028
föstudagur–sunnudagur · 09:00–17:00 · Reykjavík
Verð staðfest síðar
ESB 1 → forsenda fyrir ESB 2 → forsenda fyrir ESB 3 → forsenda fyrir ESB 4 · lokastig námsleiðarinnar
Öll stigin eru kennd kl. 09:00–17:00 í Reykjavík.
Skráning opnar síðar
Skráning er ekki hafin. Verð ESB 1 og ESB 2 eru staðfest. Skráning í bæði stig er samanlagt verð beggja. Skráning opnar þegar færslurnar eru til í skráningarkerfinu.
Skráning opnar síðar
